Машина за миење садови имаат само 13,4 % од домаќинствата во земјава. Анализирано по видови на домаќинства, податоците покажуваат дека машината за миење садови е најмалку застапена кај земјоделските семејства, односно  ја имаат само 2,9% од земјоделските семејства.

Клима уред имаат само 27,7% од домаќинствата во земјава. При тоа само 1% од земјоделските семејства имаат клима уред во своите домови.

Со компјутер располагаат 57,7% од домаќинставата во Македонија. Податоците на Државниот завод за статистика покажуваат дека комјутер имаат  46,9% од земјоделските семејства и 66,4 % од мешовитите семејства.

Со мобилен телефон располагаат 85,9% од домаќинствата, при тоа мобилниот телефон кај земјоделските семејства е застапен со 93,1% , кај мешовитите со 92,0 % и кај неземјоделските со 84,1%.

Со велосипед располагаат 35,5%  од домаќинствата, а со мотор 6,7%.

Патнички авотмобил имаат 53,4% од домаќинствата додека пак 56,4% од земјоделските семејства имаат патнички авотмобил, а кај мешовитите семејства застапеноста е со 69,9%.

Гитара имаат 2,3% од домаќинстава, а клавир 0,6% од домаќинстава при тоа во земјоделските семејства клавирот воопшто не е застапен.

Еве каква е снабденоста на домаќинстава со трајни потрошни добра во 2013 година

Според станот што го користат, податоците на Државниот завод за статистика покажуваат дека 33,1% од домаќинставата живеат во трособен стан, особено тој процент е висок кај мешовитите семејства. Додека пак 31,4% од населението живее во четворособен и поголем стан. Додека пак во двосебен стан живее 25, 9% од домаќинствата. Само 7% живеат во еднособен стан, а во гасоњера живеат 1,2% од домаќинствата. Само 40% од домаќинствата имаат гаража, а додека 82% имаат балкон.

Домаќинства според видот на станот што го користат