Сакате недвижнина во ЕУ? Ова се цените во земјите членки на ЕУ
Цените на недвижнини во ЕУ и еврозоната во првиот квартал пораснале во споредба со истиот период минатата година.
Во Хрватска е забележан најголем пад на цените меѓу земјите членки, покажа најновиот извештај на Евростат.
Во првото тромесечие во 2017 цените мерени со индексот на цени на станбени недвижнини во ЕУ се зголемени за 4,5 отсто во однос на истиот период претходно.
Во еврозоната цените на станбени недвижнини пораснале за четири отсто на годишно ниво.
Меѓу земјите членки чии податоци биле достапни за Евростат, најизразен раст на цените е забележан во Чешка, од 12,8 отсто, а следат Литванија и Летонија, со раст од 10,2 отсто, односно 10,1 отсто.
Најголем пад на цените меѓу земјите членки на ЕУ е регистриран во Хрватска, каде цените во првиот квартал на 2017 година на годишно ниво се намалени за 0,4 посто.
Пад на цените на годишно ниво е забележан и во Италија каде цените се паднати за 0,1 посто.
Од земјите во хрватската околина најголем раст на цените на станбени недвижнини забележала Бугарија од 8,8 отсто, а следат Унгарија, со раст на цените од осум посто, и Словенија, каде тие се зголемени за речиси шест посто.Во однос на четвртото тримесечие во 2016 година, цените се на ниво на ЕУ пораснати за 0,7 посто.
Од друга страна, најизразен пад на цените во ЕУ во однос на претходното тромесечие имала Малта од 5,4 отсто. Следат Словачка со 2,4 постотен пад на цените, и Кипар со пад за 1,4 посто.
Слично
Поврзани вести
