Соединетите Американски Држави(САД) воведуваат нови санкции врз приходите од иранската нафта.

Министерството за финансии на САД објави уште еден сет санкции насочени кон приходите од Иран, овој пат насочени кон трговијата со нафта за воени потреби. 

Министерството соопшти дека санкциите опфаќаат осум брода обвинети за вмешаност во транспорт на иранска сурова нафта и нафтени производи на глобалните пазари, вклучувајќи го танкерот за нафта „Флора“ со знаме на Маршалските Острови, танкерот за сурова нафта „Хаункајо“ со знаме на Коморските Острови и танкерот „Ил Гап“ со знаме на Панама. Повеќе од 15 други субјекти, вклучувајќи ги „Ворт Син Енерџи Лимитед“ со седиште во Хонг Конг, „Симфони Шипинг енд Маритајм Менаџмент Инк“ со седиште во Дубаи и „Мехдиев Трејдинг Ко“ со седиште во Хонг Конг, се исто така на списокот со санкции, објави Си-Ен-Ен. Министерот за финансии Скот Бесант изјави на брифинг во Белата куќа дека укинувањето на санкциите против Иран не е актуелно прашање сè додека не се види дека се отвора Ормутскиот теснец и Иранците не се согласат да го предадат високо збогатениот ураниум. На 28 февруари годинава, САД и Израел ја почнаа војната против Иран.