Американските даночни обврзници досега загубија 9,7 милијарди долари во инвестиции , направени од страна на владата на САД во автомобилскиот производител General Motors , спасен од банкрот во 2009 година. Ова станува јасно од последните проценки на Министерството за финансии ,  пренесува АФП . Владата на САД им помага на гиганти на автомобилската индустрија во рамките на спасувачки план во вредност од 49,5 милијарди долари - дел од програмата наречена ТАРП ( Trouble Asset Relief Program ) за проблематичните банкарски сектори и автомобилската индустрија во неволја . Министерството за финансии му обезбеди кредит на GM , трансформиран потоа како удели во износ од околу 60 % во акции на автомобилски производител број 1 во САД , но загрозен од банкрот. Оттогаш Министерството за финансии ги продаде акциите на неколку делови , а на крајот на 2012 година посочи дека има намера да се ослободи од нив целосно во рамките на 12 до 15 месеци , потсетуваат БГНЕС . Според податоците објавени во вторникот на интернет страницата на Министерството за финансии , државата досега изгубила 9,7 милијарди американски долари од инвестициите во GM . Акциите на автопроизводителот чинеа во тоа време 43.52 долари во готово. Во септември , пред следниот круг од продажба на хартии од вредност, износот на државното учество во компанијата беше уште 7.3 % . Во вторникот , малку пред крајот на сесијата , акција на GM чинеше 36.03 долари.