Американскиот извоз на течен природен гас во Европа се зголеми поради ескалацијата на кризата во Украина, објави Волстрит журнал.

Според авторот на написот Даниел Јергин, растот на производството на нафта и гас во Соединетите држави стана геополитички и економски адут за земјата, што може да ги измести руските конкуренти од европскиот пазар.

„Додека индустријата за нафта и гас продолжува да се опоравува од пандемискиот колапс на цените во пролетта 2020 година, Соединетите држави повторно се најголемиот светски производител на нафта - скоро 20% над своите два конкуренти - Саудиска Арабија и Русија - и најголемиот светски производител на природен гас“, напиша Ергин.

Успехот на американската нафтена индустрија авторот директно го поврзува со ескалацијата на кризата во Украина.

„Денес нема сомнеж за геополитичкото значење на новата позиција на Америка во нафтата и гасот. Кризата во Украина и енергетската криза во Европа го обликуваат глобалното влијание на американското производство на нафта и гас“, рече Ергин.

Претходно во телефонски разговор британскиот премиер Борис Џонсон и американскиот претседател Џо Бајден изјавија дека е неопходно да се намали зависноста на европските земји од рускиот гас.