Русите предупредуваат: Цените на гасот ќе експлодираат, последиците ќе бидат сериозни
Русите велат дека цените на природниот гас во Европа ќе бидат дури за 40 проценти повисоки од претходно проценетите во 2026 година.
„Ова е катастрофално за индустријата и домаќинствата. Предвидуваме дека цените ќе бидат најмалку 100 проценти повисоки од претходно очекуваните, бидејќи ќе биде потребно време Европа неизбежно да почне да бара дополнителни количини руски гас“, рече Кирил Дмитриев во објава на социјалната мрежа Икс, пренесува РИА Новости.
Во март, цените на енергенсите се зголемија поради ескалацијата на тензиите на Блискиот Исток, што резултираше со блокада на Ормутскиот теснец и доведе до намалување на производството на нафта во некои земји во регионот.
Ормутскиот теснец е клучен пат за снабдување со нафта и течен природен гас од земјите од Персискиот Залив до светскиот пазар, сочинувајќи приближно 20 проценти од глобалните залихи на нафта, нафтени деривати и течен природен гас, потсетува РИА и додава дека од почетокот на март, нафтата Брент поскапела за 43 проценти, додека цените на гасот во Европа скокнале за 57 проценти.
Слично
Поврзани вести
