Руските туристи ја одбегнуваат Црна Гора и тоа не е „политичко подметнување“ на опозицијата во земјата, туку е реалност. 

На јужен Јадран големите хотели во јули се 30% потполнети. 

Ова е резултат на тоа што руските власти ги повикаа граѓаните да не одат во оваа земја и тие го послушаа апелот. 

Причина за одлив се политичките несогласувања меѓу Русија и Црна Гора. 

Русија се лути затоа што Подгорица им воведе санкции, заради влезот на НАТО и други потези. 

Луѓето кои се занимаваат со туризам велат дека земјата не треба да се остави само на еден пазар од каде доаѓаат 50% од гостите. 

Угостителите се жалат затоа што потрошувачката е слаба. Гости има од Украина, но не трошат многу.