Министрите за надворешни работи на земјите членки на ЕУ денеска ќе одржат состанок на кој ќе одлучуваат за ембаргото на руските енергетски извори. Иако лидерите на ЕУ постојано ја нагласуваат потребата за итно запирање на увозот на руска нафта и гас, некои земји се спротивставија на одлуката поради нивната голема зависност од руската енергија.

Додека санкциите се применети на други области на бизнис со Русија, ЕУ останува во голема мера зависна од руската нафта и гас.

Германскиот министер за економија Роберт Хабек изјави дека земјата ќе може да се подготви за прекин на увозот на руска енергија до крајот на 2022 година, иако Германија досега одбиваше да се согласи на оваа драстична мерка.

Покрај Германија, Унгарија силно се противи на воведувањето ембарго и нема да поддржи мерки кои би можеле да го загрозат снабдувањето со нафта. Во исто време, Словачка најави дека ќе бара изземање од учество во ембаргото, бидејќи и таа земја е во голема мера зависна од рускиот гас.

Има два главни предизвици со кои се соочуваат земјите-членки на ЕУ - како да платат за руската енергија на начин што не ги нарушува или поткопува санкциите на ЕУ и како да набават и развијат алтернативни набавки за да се оддалечат од потпирањето на Русија.

Високиот претставник на ЕУ за енергетска политика Кадри Симсон неодамна изјави дека потегот на Русија да го прекине снабдувањето со гас за Полска и Бугарија ја зајакна волјата на блокот да стане независен од руската енергија.

Според Центарот за истражување на енергија и чист воздух (CREA), ЕУ увезла фосилни горива во вредност од околу 37 милијарди фунти од почетокот на конфликтот. Двата најголеми увозници во светот беа Германија, а потоа Италија.

Енергетскиот гигант Газпром го запре извозот на гас во Полска и Бугарија минатата недела, откако тие земји одбија да ги исполнат барањата на Русија да се префрлат на плаќања во рубљи, а многу други земји-членки ќе се соочат со истиот проблем во средината на мај.

Полска и Бугарија планираа да престанат да го користат рускиот гас оваа година и рекоа дека можат да се справат со суспензијата, но тоа ги зголеми стравувањата дека други земји од ЕУ, вклучително и Германија, која се потпира на гас, би можеле да бидат следни.

Во понеделникот Симсон го повтори ставот на Европската комисија дека плаќањето на гас во рубљи ќе биде „кршење“ на санкциите и „не може да се прифати“.

Таа рече дека земјите-членки ги зголемуваат резервите на гас пред зимата.

Германија подготвена за ембарго

Европа добива околу 40 отсто од својот природен гас од Русија, која е исто така главен снабдувач на нафта во блокот, но некои земји зависат повеќе од руските фосилни горива отколку другите, така што ненадејните кратења на испораките може да имаат огромно економско влијание.

На пример, Германија во моментов добива околу 25 отсто од нафтата и 40 отсто од својот гас од Русија, Словачка и Унгарија увезоа 96 отсто гас и 58 отсто од нафтата од Русија минатата година, според Меѓународната агенција за енергетика.

Германскиот министер за економија Роберт Хабек изјави дека неговата земја успеала да дојде до ситуација во која Германија може да го издржи ембаргото за нафта и дека е на пат да го стори истото и за гасот.

На другите земји им треба малку повеќе време, рече Хабек.

САД и помагаат на ЕУ

Околу 97 отсто од договорите за снабдување со гас на ЕУ со Гаспром предвидуваат плаќања во евра или долари.

Некои земји сакаат да се свртат кон течен природен гас (LNG), а САД се согласија да испорачаат дополнителни 15 милијарди кубни метри во Европа до крајот на годината.

САД веќе го забранија увозот на руска нафта, а Велика Британија планира постепено да го укине до крајот на годинава.

ЕУ претходно постави стратегија за да стане независна од руските фосилни горива до 2030 година, што вклучува поголема употреба на позелени извори на енергија.