Русија треба да воспостави заеднички резерви на храна со другите членки на БРИКС и Евроазиската економска унија за да се елиминира заканата за снабдувањето што произлегува од конфликтот на Блискиот Исток, изјави висок руски безбедносен функционер.

Ѓубривата се користат за приближно половина од светското производство на храна, а една третина од глобалната трговија со ѓубрива минува низ Ормутскиот теснец, кој е под контрола на иранските вооружени сили поради израелско-американскиот напад.

Русија е меѓу водечките производители и извозници на ѓубрива, но нема капацитет значително да го зголеми производството оваа година.

Во исто време, таа е најголем светски извозник на пченица и планира да го зголеми извозот на земјоделски производи за 50 проценти до крајот на деценијата, пишува Ројтерс, како што објави „Пословни дневник“.

„За да се гарантира снабдувањето со храна, многу е важно да се прошири соработката со пријателските земји, првенствено членки на Евроазиската економска унија и БРИКС, вклучително и создавање заеднички резерви на храна“, изјави заменик-секретарот на Советот за безбедност на Русија, Александар Маслеников.

Покрај Русија, во Евроазиската економска унија членуваат и извозникот на жито Казахстан, како и Белорусија, Ерменија и Киргистан.