Тешка трагедија утрово го погоди Нови Пазар. Во пожарот што се случи утринава околу 08:00 часот во населбата Јалија во Нови Пазар изгоре стан во станбена зграда, а во пожарот загинаа четири деца на возраст од една и пол до четири години.

Според неофицијални информации, пожарот најверојатно настанал од невнимание, бидејќи родителите се грееле со термо печка и греалка.

Еден од роднините раскажал дека мајката се грижла за четирите малечки, а најверојатно дел од алиштата ги оставла на некое грејно тело, и дека така настанал пожарот.

„Има четири мали деца, знаете како оди, работите се оставаат да се исушат, веројатно нешто се запалило и така настанал пожарот. Мојата сестра е мажена за Египќанец, беше домаќинка, додека деверот работеше. Но, утрово и двајцата беа тука, ама судбината сакаше да им ги одземе животите на децата, а нивните животи беа доведени во прашање“, изјавил еден од роднините.

Според информациите, таткото поради тешки изгореници е итно префрлен во Белград, додека мајката е во болницата во Нови Пазар.

На терен се уште се припадници на противпожарната единица и на ПУ Нови Пазар, кои според првичните информации пристигнале навреме, но пожарот веќе го зел данокот.

Фото: Принтскрин Нова.рс