Кумановската полиција поднесе кривична пријава до ОЈО Куманово против Т.И.(23) од Скопје, поради основано сомнение дека сторила кривично дело „Убиство на дете при пораѓање“.

На 29 март годинава околу 11:30 часот на граничен премин „Табановце“, додека чекале за пасошка контрола Т.И.  почувствувала силни болки во пределот на стомакот и се упатила во тоалетот. Таа била во 7 или 8 месец, но не се знае дали посетувала лекар во текот на бременоста. Во тоалетот се породила,  го зела бебето и го ставила во корпата за отпадоци. Потоа се вратила во автобусот и продолжиле со патувањето.

Откако од персоналот на граничниот премин било откриено телото на новороденчето настанот бил пријавен во СВР Куманово и по интензина истрага контактирано е со организаторите на екскурзијата, а пријавената на 30 март е однесена во Гинеколошка клиника во Прага, Чешка Република при што и е укажана лекарска помош. По завршувањето на екскурзијата на 18 април на граничен премин таа е приведена од страна на полициски службеник и е однесена на дополнителни медицински вештачења.

Бебето кое било живо родено можело да преживее ако било родено во соодветни болнички услови.