Хрватите кои живеат во пограничните места за да заштедат плинските боци ги полнат преку граница во БИХ,  каде плинот го плаќаат двојно поевтино.

Оваа услуга во Хрватска чини 89 куни, а во БИХ е 48 куни.

„Луѓето порано донесуваа празни боци и купуваа нови,  но сега ги полнат и така повеќе им се исплати. Ќе ги донесат, ќе ги наполниме по сите правила затоа што имаме атест и дозволи за да ја вршиме таа работа“ - вели вработен во Брчко гас.

Експертите предупредуваат дека овие боци се ризични и се смета дека во Хрватска и во земјите од ЕУ има третина небезбедни боци.

Сепак порачуваат дека за некоја куна не вреди да се презема ризик и се надеваат дека царината ќе реагира на ова појава.