Резервите на синиот енергенс во Црното Море се доволни за покривање на светската побарувачка за природен гас за 45 години, изјави денеска вицепремиерот на турската владејачка Партија на правдата и развојот (АКП), поранешниот премиер Бинали Јилдирим.

- Резервите на природен гас во Црното Море се проценуваат на 540 милијарди кубни метри. Ова е само почеток, ќе има и продолжение. Црното Море е во состојба да ги покрие потребите на светот за гас за 45 години, изјави Јилдирим, пренесува турскиот портал Сочу.

Турскиот министер за енергетика и природни ресурси Фатих Донмез во интервју за магазинот Критер изјави дека ова гасно полето се планира да започне со работа на почетокот на 2023 година и дека дневното производство на гас ќе се зголеми на 40 милиони кубни метри.

- Имаме намера да започнеме со производство на гас, најверојатно во првиот квартал од следната година. Во почетната фаза производството на гас ќе биде 10 милиони кубни метри дневно, за три до четири години планираме да го зголемиме обемот на 40 милиони кубни метри дневно, односно да расте и годишниот обем на производство на гас, рече министерот.