Стапката на вработеност во Eвропската Унија(ЕУ) се зголеми над 76 проценти во 2025 година.

Минатата година, 76,1 процент (197,7 милиони луѓе) од населението на ЕУ на возраст од 20 до 64 години биле вработени, што е највисок удел забележан од почетокот на временската серија во 2009 година.

Стапката на вработеност се зголемила за 0,3 процентни поени (п.п.) во споредба со 2024 година и за 0,8 п.п. во споредба со 2023 година, објави Европскиот завод за статистика.

Меѓу земјите од ЕУ, највисоки стапки на вработеност се забележани во Малта (83,6 проценти), Холандија (83,4 проценти) и Чешка (82,9 проценти). Најниски стапки се забележани во Италија (67,6 проценти), Романија (69 проценти) и Грција (71 проценти).

Во сите земји од ЕУ, освен Литванија, мажите имале повисока стапка на вработеност од жените во 2025 година.

Стапката на вработеност на мажите во ЕУ била 80,9 проценти. Меѓу земјите од ЕУ, највисоки стапки се забележани во Малта (89,1 проценти), Чешка (88,2 проценти) и Холандија (87,2 проценти), додека најниски удели се забележани во Белгија (76,4 проценти), Хрватска (76,8 проценти) и Финска (77,0 проценти).

Меѓу жените во ЕУ, стапката на вработеност била 71,3 проценти, а највисоко ниво е забележано во Естонија (81,4 проценти), Литванија (80,3 проценти) и Шведска (79,8 проценти). Италија (58,0 проценти), Романија (59,5 проценти) и Грција (62,3 проценти) ги регистрираа најниските удели.

foto freepik.com/senivpetro