На вчерашното промотивно шоу на Apple главен гостин беше Nintendo и јапонската компанија за видео игри и конзоли најави дека наскоро ќе ја лансираат првата мобилна игра Super Mario Run која е базирана на класичниот и омилен наслов, а ексклузивно ќе биде достапна за iPhone кон крајот на годината. Тоа придонесе преку ноќ акциите на Nintendo да пораснат за дури 18% што е рекорден раст годинава и го надминаа „хајпот“ кој беше опкружен околу Pokemon Go. Да потсетиме дека Nintendo со години одбиваше да влезе во мобилниот сектор, а се соочи и со пад на продажбата на конзоли. Исто така направија и големо промашување со Pokemon Go бидејќи франшизата и ја доверија на Niantec, па испуштија стотина милиони долари профит. Затоа сега напаѓаат со најомилениот и најпрепознатлив лик на сите времиња - Супер Марио.