Ратко Младиќ доживеал мозочен удар во Хаг
Поранешниот командант на војската на Република Српска, Ратко Младиќ, кој се наоѓа на отслужување на доживотна затворска казна во притворската единица на Обединетите нации во Хаг, доживеал мозочен удар.
Младиќ со години се соочува со низа хронични заболувања. Неговата одбрана во повеќе наврати досега поднесуваше барања за негово ослободување или префрлање на лекување надвор од притворската единица, повикувајќи се на неговата лоша здравствена состојба. Toj е правосилно осуден на доживотен затвор за геноцид, злосторства против човештвото и кршење на законите или обичаите на војување за време на војната во Босна и Херцеговина.
Слично
Поврзани вести
