Во Скопје индексот на цената на становите во последниот квартал од 2014 година бележи пад од 5,3 проценти, покажуваат податоците на Народна банка на Република Македонија.

Според НБРМ, тоа е резултат на намалувањето на цената е континуираниот раст на понудата на станови. На годишна основа намалувањето е 0,6 отсто.

Раст има и на страната на побарувачката на станови во четвртиот квартал од 2014 година според податоците на НБРМ, ако се земе предвид растот на станбените кредити во овој период.

Во периодот 2011-2014 кумулативната вредност на станбени објекти е за 72 отсто повисока, период кога стартуваше проектот на државата „Купи куќа, купи стан“, во однос на периодот 2007-2010 година.

На Саемот за градежништво кој стартува следната недела, градежните компании најавија попусти на дел од понудата на станови кои ќе траат само за време на саемските денови.