Издадени 316 одобренија за градба што е за 19.7% повеќе во однос на истиот месец од претходната година.

Предвидената вредност на објектите е за 6.2% повеќе во однос на лани или вкупно 4 182 150 илјади денари, покажаа пресметките на Државниот завод за статистика,

Од одобренијата за градба 186 (58.9%) се наменети за висока градба,  50  (15.8%) за објекти од нискоградба и 80 (25.3%) за објекти за реконструкција.

На 59.8%  од објектите се јавуваат физички лица, а на 40.2%  на објектите инвеститори се деловни субјекти.

На површина од 35 189 м² предвидена е изградба на вкупно 376 станови.

Но, и покрај зголемениот број на одобренија за градба, кај градежните компании интересот за стекнување на нивните работници со сертификати за енергетска ефикасност е намален.

Засега само 650 градежни работници се јавиле на огласот „Обука на градежните работници за енергетска ефикасност“ а планирани се 1000 .

Проектот за обука се реализира во рамки на Европската Унија со цел да се зајакнат апацитетите на градежниот сектор а рокот за аплицирање е  27 ноември.