За пет години, околу 25.000 луѓе се откажале од косовско државјанство. 

Лани околу 4.700 граѓани го сториле тоа. Oд косовската полиција велат дека главна причина е забраната за двојно државјанство во различни земји, главно во ЕУ. Барањата  за „ослободување од државјанство“ беа поднесени и во текот на 2022 година, објави Индексонлајн, пренесува порталот КосСев.

„Од 1 јануари до 19 декември 2022 година од косовско државјанство се ослободени 4.708 лица. Од нив, 2.346 се мажи, а 2.362 се жени“, изјави Фетоши за Радио Косово.

Овој проблем го имаат и другите земји од регионот. Истиот тренд го има и во Албанија, а изразен е и во Босна и Херцеговина (БиХ). 

Лани од албанско државјанство се откажале 724 граѓани. 

Од воените години до 2019 година, 88.163 граѓани се откажале од босанско државјанство.