Се зголемиле трошоците за живот во Македонија. Посакапеле месото, зеленчукот, лебот. 

Трошоците на животот во август годинава се за 0,6 отсто повисоки во однос на јули 2021, а цените на мало скокнале за 0,4 проценти. Споредено со август 2020 година, пак, трошоците на животот имаат зголемување од 3,6 отсто, а цените на мало за 4,9 проценти.

Како што објави Државниот завод за статистика, поскапување има кај свежиот и разладениот зеленчук, освен компирите и другите коренести плодови за 15,8 отсто, сирењето и урдата за 1,1, месото за 0,9, лебот и житата за 0,7, млекото за 0,6, шеќерот, џемот, медот, чоколадата и кондиторските производи за 0,3, како и прехранбените производи, неспоменати на друго место, жестоките пијалаци за 0,2 отсто. Пораст  е забележан и кај фотографската и кинематографската опрема и оптичките инструменти за 8,4 проценти, гасот за домаќинствата за 5,6, туристичките пакет-аранжмани за 3,1, услугите за рекреација и спорт за 2, домашните миленици и сродните производи за 1,1, велосипедите за 0,9, моторните возила за 0,7, горивата и мазивата за сопствените превозни средства, услугите за сместување за 0,6 итн.