Половина до еден денар по литар поскапуваат нафтените деривати.

Ова е новата одлука на регулаторната комисија која ќе почне да важи од ноќеска на полноќ.

Тоа значи дека малопродажните цени на ЕУРОСУПЕР БС-95, на ЕУРОДИЗЕЛ (Д-Е V) и на Екстра лесното масло за домаќинство (ЕЛ-1), се зголемуваат за еден денар по литар.

Новата цена на ЕУРОСУПЕР БС-95 изнесува 64, на ЕУРОДИЗЕЛ (Д-Е V) 52, а на Екстра лесното масло за домаќинство (ЕЛ-1) 40,50 денари за литар.

Малопродажната цена на бензинот ЕУРОСУПЕР БС-98, се зголемува за 0,50 денари за литар и ќе изнесува 65,50 денари.

Раст бележи и цената на мазутот М-1 НС која од ноќеска ќе чини  26,795 денари.

Како причина за зголемување на продажните цени на нафтените дееривати од РКЕ ги псочуваат за 3,63 отсто повисоката просечна цена на суровата нафта на светскиот пазар во изминатите 14 дена и за 0,501 отсто понискиот курс на доларот во однос на денарот.