Расправата за предлог буџетот се враќа пред пратениците во Собраниската комисија
Комисијата за буџет денеска ќе ја продолжи расправата за предлог буџетот скроен за 2018 година.
Претседателката на Комисијата за финансирање и буџет Лилјана Кузмановска вчера попладне притисната од јавноста и партиите ја закажа комисиската расправа за буџетот.
По општата расправа документот треба да се врати до Владата, а потоа влегува на пленарна седница.
Опозициската ВМРО-ДПМНЕ и БЕСА имаат поднесено 270 амандмани.
Овој буџет не е поддржан од опозицијата и според ВМРО ДПМНЕ буџетот е нереален и нереформски, за парламентарното мнозинство пак буџетот е граѓански, креиран на реални проекции и со него почнува со финансиска и економска стабилизација.
Слично
Поврзани вести
