Откако кажа дека ништо не очекува од ЕУ, сега албанскиот премиер Еди Рама сега повторно ја критикува ЕУ. 

Според него, нема перспектива за Западен Балкан, а ЕУ самата се држи како заложник на Балканот.  

„Не сум фрустриран, но научив. Сега има друга идеја за правилата на игра во ЕУ и мора да ги прифатиме. Не треба да се губи трпението и страста. Повеќе се работи за функционирање на Албанија како земја на ЕУ отколку за фактот дека Албанија е членка на Европската унија“, изјавил Рама.

 Земјите од ЕУ, додава, не дејствуваат експлицитно. 

„Секогаш има врска со внатрешната политика во една или друга земја – членка на ЕУ. Она што важи денес нема зошто да се спроведува утре. Идентично е како и со временската прогноза“, вели тој. 

Додава дека ништо нема да се промени во иднина, туку Албанија и натаму ќе чека.