Aлбанскиот премиер Еди Рама порачува дека соседите не можат да се бираат коментирајќи ги односите на Балканот. 

Кажа дека Србите, Хрватите и Црногорците нема да одат никаде и дека сите мора да пораснат и да заборават на хаосот од минатото, пренесува „Репортери“. На 18-та конференција на Јадранско-јонската иницијатива, Рама вели дека не треба да се заборави колку другите го користеле грбот на нашите земји и неволјите што самите сме ги направиле. 

„Тука сме да останеме, Србите нема да одат никаде, како и Хрватите и Црногорците. Мораме да го средиме тоа и да го заборавиме целиот хаос што си го приредивме едни на други. Да не заборавиме колкава загуба е да се инвестира во омраза. Имаме уште долг пат да одиме, но денес сме подобро место во споредба со она каде што бевме“, изјави Рама.

Вели дека украинскиот конфликт е исклучителна лекција и ги повика сите во регионот да продолжат по патот на мирот и да не паѓаат во замките на минатото. Албанија е дел од проектот „Отворен Балкан“ за што Косово имаше критики. Овој проект има за цел да го олесни животот на граѓаните од Албанија, Србија и Македонија преку повеќе олеснувања.