Премиерот на Албанија, Еди Рама објави за време на програмата „Мислење“ на телевизијата Клан дека самитот на НАТО, закажан за Албанија во 2027 година, ќе биде обезбеден со дронови произведени во Албанија.

„Ќе ви кажам ова, на самитот на НАТО, кој претставува највисоко ниво на безбедност во светот, ќе ја заштитиме областа Тирана со дронови произведени во Албанија. Не грижете се. Дроновите нема да се срушат. Тие ќе се произведуваат тука“, рече Рама.

Албанскиот премиер додаде, меѓу другото, дека покрај дронови, Албанија ќе произведува и автобуси за деца, воени возила и униформи.

„Ќе произведуваме наши воени возила и ќе продаваме воени возила на светот. Министерството за одбрана ќе биде ко-сопственик на целата оваа индустрија, а Албанија ќе профитира од ова. Ќе произведуваме секакви униформи за сите видови војници. И конечно, ќе ги произведуваме без тендер. Компанија со исклучиво јавно-приватно партнерство. Нашата компанија има убаво име, се вика Гуна“, објаснува Рама. 

Премиерот Рама рече дека не е случајно што самитите на ЕУ и НАТО во 2027 година ќе се одржат во земјата.

Тој, исто така, предупреди дека Албанија ќе биде првата земја што ќе спроведува набавки со употреба на вештачка интелигенција.