Новоизбраниот албански премиер, Еди Рама, кој во септември треба да седне во премиерската фотелја, изјави дека албанската економија „ќе се поврати“, но прво ќе треба да се дознае колку длабока е „црната дупка“ оставена во буџетот од претходната Влада. За таа цел, како што соопшти тој, Албанија ќе побара меѓународна помош, пренесе агенцијата АНА-МПА. „Со голема прецизност и што е можно побрзо треба да дознаеме колку голема е оваа „дупка“ во буџетот предизвикана од катастрофалната економска и буџетска политика на кабинетот на Сали Бериша и затоа имаме потреба од продлабочена, објективна и независна анализа. Овој чекор ќе биде преземен веднаш откако новата влада ќе почне да ги извршува своите функции“ - напиша Рама на својот профил на социјалната мрежа „Фејсбук“.