За време на состанокот со градоначалниците, премиерот на Албанија, Еди Рама побара да се преземат мерки за заменик-градоначалниците на општините во земјата, опишувајќи ги како немотивирани и истрошени во своите должности, пренесвува весникот Илинден.

„Време е сериозно да се преиспитаат управувачките структури. Заменик-градоначалниците, според мене, се многу уморни. Ги гледам истрошени, разочарани, без инспирација и без виталност. И тоа не е лично прашање, туку неопходност да се одржи ритамот и амбицијата живи во работата на општините. Не велам дека се неспособни, но јасно е дека дале она што имале да го дадат. Направете добро што ги заменувате и донесете нови лица, со свежа енергија, кои можат да дадат нов импулс на вашата работа“, вели Рама.