Статистичката дирекција на Министерството за социјални работи на Франција објави дека вработените трошат поголем процент од своите приходи за здравствена заштита отколку пензионерите.

Податоците за 2019 година покажуваат дека трошоците за здравствена заштита, вклучувајќи ги трошоците од џеб, премиите за дополнително осигурување, социјалните придонеси и даноците за задолжително здравствено осигурување, сочинуваат просечно 15 проценти од приходите на вработените со ниски приходи, во споредба со 14 проценти кај пензионерите со ниски приходи, пишува Фигаро.

Сепак, разликата помеѓу вработените и пензионерите станува поизразена во групите со повисоки приходи.

Така, кај вработените со високи приходи, просечните трошоци за здравствена заштита достигнуваат 18 проценти, додека кај пензионерите со високи приходи тие изнесуваат само 11 проценти, пренесува Танјуг.

Исто така, извештајот укажува дека домаќинствата со ниски приходи го носат најголемиот финансиски товар, бидејќи тие трошат просечно 34 проценти од своите приходи за здравствена заштита, додека тој процент е 15 проценти за сите домаќинства.

Овие домаќинства плаќаат просечен износ од 2.400 евра годишно за здравствени услуги.

foto freepik.com