Вид Банич од Хрватска кој работел во Германија вели дека дали ќе бидете задоволни зависи од тоа каква работа работите, дали сте сами или со семејство. 

Тој е техничар по дрводелство и 4 месеци работел во Германија, а работа пронашол преку агенција која посредува за работа во странство. 

„Работев како доставувач на пакети, и имав во просек од 200 до 250 пакети, за 16 работни часа. Беше тоа работа за која е потребен јазик, барем основното“ - вели тој. 

Сам возел комби, разнесувал пратки, а на мобилниот бил достапен 24 часа. 

Со колегите живеел во трособен стан. 

Бидејќи бил сам се исплатело да работи и ги покривал своите трошоци, но доколку со него биле сопругата и децата, тогаш не би можел да опстане. 

Банич вели дека кириите се скапи, и за четири члена ќе им бидат потребни 1000 евра само за сместување и сметки, а неговата плата е 1400 евра, односно недоволна за сите тие трошоци. 

За сопругата која е мајка на две деца објаснува дека би можела да работи само со 4 часа работно време.