Шефот на албанската влада посочи дека Русија го поттикнува конфликтот на Балканот и го загрозува „кревкиот мир“

„Дали сте слушнале колку пати Путин го спомнува Косово во своите говори? Постојано повторува: „Косово, Косово, Косово“, изјави Еди Рама во интервју за германски „Шпигел“, што Косово го пренесува на интернет.

Шефот на албанската влада истакна дека Русија го поттикнува конфликтот на Балканот и го загрозува „кревкиот мир“ и додаде дека во Србија и во Република Српска има силни симпатии кон Москва.

„Осумдесет проценти од православните Срби позитивно мислат дека Путин само му покажува заби на Запад во Украина, ако може да се каже така.

Рама смета дека „Русија би била задоволна доколку нешто се придвижи во насока на конфликт на Балканот“.

Тој наведува и дека жителите на регионот се поделени на оние кои се против Путин и оние кои го поддржуваат.

Премиерот на Албанија во интервјуто ги повтори своите претходни зборови дека „одлуката за независноста на Косово е правилна.“ „На крајот на денот сега има процес на мир и помирување, иако тој процес ќе трае долго“, рече Рама, а пренесува Јутарњи.хр.

Тој смета и дека „во Црна Гора има длабока поделба меѓу црногорското и српското население“, но додаде дека е добро што постои иницијатива „Отворен Балкан“.

„Во последно време на Балканот има охрабрувачки случувања. Затоа сакам Србија, Албанија и Црна Гора да создадат некаква мини-шенген зона за подобра размена“, рече Рама.