Рускиот претседател Владимир Путин денеска одржа состанок со членовите на владата, за време на кој министрите го информираа за состојбата на пазарот на горива и изјавија дека тешкотиите со горивата се привремени, оценувајќи дека рускиот енергетски систем е меѓу најстабилните во светот и покрај обидите на противниците да ѝ наштетат на руската економија.

Путин повика на брзо решение на проблемот со снабдувањето со гориво во Крим и јужните делови на Русија, нагласувајќи дека одлуките за поддршка на тие области мора да се донесат веднаш, а не подоцна, пренесува РИА Новости.

„Мерките за поддршка на луѓето што живеат таму и оние што дојдоа на одмор мора да се спроведат сега, а не некое време подоцна. Овие одлуки треба да се донесат што е можно поскоро“, рече Путин за време на состанокот одржан преку видеоконференција.

Руската инвазија на Украина трае веќе петта година. 

foto printskrin youtube