Рускиот претседател Владимир Путин ситуацијата со Исламската држава ја оцени како ,,многу сериозна” и ја повика меѓунаrодната заедница да ги обедини силите за заедничка борба против џихадистите. ,,Џихадистичката група Исламска држава  има планови за светите градови Мека, Медина и Ерусалим и ја загрозува Европа и Русија, изјави Путин. Тој е загрижен дека џихадистите од многу земји ќе се вратат во Европа и Русија, откако ќе ја поминат ,,идеолошката и воена обука”. Путин апелира земјите да ја заборават политиката на двојни стандарди и да не ги користат терористичките групи за остварување на сопствени цели. Рускиот претседател вели дека сега е поважно меѓународната заедница да ги обедини силите за борба против ИД и да ги остави на страна геополитичките амбиции.