Владимир Путин полека се ослободува од најблиските луѓе во неговото опкружување со кои се познава уште од времете на тајната служба КГБ и на нивните функции назначува нови помлади „волци“ кои се подеднакво лојални. Експертите за политиката на Кремљ проценуваат дека Путин ја менува политичката клима, но немаат јасна претстава кој е вистинскиот мотив. За едни Путин се подготвува за рани избори следната година, други пак сметаат дека апсолутниот владетел на Русија ќе се повлече во 2018-та, па сега остава простор на нови кадри кои ќе ја следат неговата визија. Сергеј Иванов, долгогодишниот шеф на кабинет кој има огромно искуство во КГБ е заменет со младиот Антон Вајано. Сменети се и шефови на одделите за финансиски криминал, борба со тероризам, миграција, царина и многу други. Блиските луѓе на Путин веќе создадоа огромно богаство и дел од нив водат раскошен живот, па сега му се потребни нови лидери кои ќе имаат мотив и пожртвуваност во тешкиот политички период кој и претстои на Русија.