На жителите на населбата "Дива населба" во Куманово синоќа им беше дозволено да се вратат во своите домови.

Во изминатата ноќ пукање веќе немаше. А глетката по завршувањето на операцијата изгледа како вистинско бојно поле.

Убиени беа 22 лица - осум полицајци и 14 терористи. Над 37 вработени полициски сили се повредени. Триесетина од терористите се предадоа и во моментов се одржува распит.

Претседателот на Македонија Ѓорге Иванов изјави дека нема да биде дозволено зголемување на тензиите, дестабилизација на државата и на меѓуетничките односи. Иванов изјави ова по итна седница на македонскиот Совет за безбедност.

Претседателот ги повика граѓаните да покажат трпение и да не подлегнуваат на провокации. "Станува збор за екстремно насилно група, чија цел беше да предизвика дестабилизација на земјата. Информации за оваа група имавме уште во почетокот на годината и ги информиравме за тоа 17 партнерски служби на земјите од НАТО и регионот. Но размената на информации со цел превенција не даде резултат ", соопшти Иванов.

Експертите во Македонија сепак го поставуваат прашањето зошто службите им дозволија на терористите да се распоредат во Куманово. Како безбедносните служби дозволија група од стотина добро вооружени лица да влезат во Куманово и што правела Агенцијата за разузнавање и останатите служби, прашуваат експертите за безбедност по полициската акција во Куманово.

Според професорот Стефан Буджаковски безбедносните служби требало порано да реагираат, да преземат акција за да не дојде до распоредување, концентрирање на таква терористичка група во урбана средина.

Според експертите е уште повеќе чудно зошто службите не реагирале по настаните што укажува дека нешто се подготвува.

Откако имало информации, откако се случи "Гошинце", сметам дека не требаше да се дозволи овде да пристигнат вооружени групи, вели поранешниот министер за внатрешни работи Павле Трајанов.

(Фото „Кумановска Ратна Зона“ )