Директорот на Хрватскиот институт за јавно здравје, Крунослав Цапак, рано утрово ги прими првите дози на вакцината Ффајзер, кои пристигнаа со камион во две кутии, а потоа се сликаше со кутиите во кои пристигна вакцината, објавува Индекс.хр.

Вакцината пристигна од Полска како дел од почетната пратка, симболична количина на дози од првата одобрена вакцина организирана од Европската унија за сите членки да започнат со кампањата за вакцинација.

На една од фотографиите, Цапак седи на кутиите со вакцината. Откако фотографиите беа објавени на веб-страницата на ХЗЈЗ, започна лавина реакции во јавноста.

Цапак прво го бранеше неговата асистентка Марија Бубаш, која рече дека кутијата за вакцини на која седеше Цапак е празна, а сега се огласи и самиот Чапак.

Неговата изјава Индекс ја пренесува во целост.

„Искрено се извинувам“

„Како човек кој, како и многу граѓани на нашата земја, искрено се радуваше на пристигнувањето на долгоочекуваната спасувачка вакцина, не би сакал фотографија да ја засени големината на моментот кога првата пратка COVID-19 вакцина конечно пристигна во Хрватска рано утрово.

Јас и соработниците ја дочекавме испораката во раните утрински часови, ја складиравме вакцината во коморите предвидени за таа намена, а потоа, со големо олеснување, направивме неколку фотографии. На една од нив, меѓу многуте што станаа достапни за јавноста, седнав на кутија во која во тоа време немаше повеќе вакцина, но беше зачувана, и покажав прст кон етикетата на кутијата со единствена мисла: ‘Еве, конечно пристигна! Тука е'".

Жал ми е што оваа фотографија стана поважна во медиумите од веста дека вакцината пристигнала во Хрватска, како и уште неколку фотографии што сведочат за овој, слободно можеме да кажеме, историски момент. Исто така, гледам дека тоа беше можност да се рекламираат на јавен простор луѓе кои немаат што да кажат за своите постапки, но имаат за сè друго и за сите други.

За доброто на најголемиот број хрватски граѓани со кои ја споделувам среќата и задоволството што ја примивме вакцината, сакам да истакнам дека оваа фотографија, која незаслужено се појави, не носи друга порака освен онаа што јас искрено ја чувствував во тоа време. Искрено им се извинувам на сите оние читатели и граѓани на кои оваа фотографија и нејзиното толкување во медиумите можеби им остави погрешен впечаток“, напиша Чанак.

Фото. Индекс.хр