Ексминистерка за внатрешни работи, Гордана Јанкулоска, по речиси една година откако си поднесе оставка на функцијата, денеска го имаше своето прво јавно обраќање, во интервју за порталот „Прес 24“.

Во интервјуто, Јанкулоска тврди дека не сторила никакви кривични дела и дека Специјалното јавно обвинителство е само „продолжена рака на Зоран Заев".

„Она што е моја прецепција и, верувам, перцепција на јавноста е по секоја цена да се оди со постапки против однапред таргетирани лица, што сè повеќе заличува на една брутална политичка пресметка отколку на една правна постапка. Станува збор за една брутална политичка пресметка која има цел да дискредитира на личен и на професионален план одредени личности што опозицијата ги перципира како свои политички противници“, вели Јанкулоска во интервјуто.