Развојот на една држава се состои во постојана надградба на претходното и обнова и одржување на веќе изграденото.

Македонија е црна дупка во која не се надградува над претходното и не се обновува ниту одржува веќе изграденото.

Ова го пишува професорката и општествен критичар Мирјана Најчевска на социјалните мрежи. Потоа ги наброја сите работи кои изминативе години сме ги запуштиле или целосно заборавиле. 

- Прво ги уништија фабриките.

Потоа ја уништија железницата.

Следна беше поштата.

Ги уништија државните аптеки и самопослуги.

Ги продадоа енергетските комплекси.

Ги дадоа под концесија рудниците, каменоломите, хидроцентралите.

Го распродадоа општествениот имот и државното земјиште.

Ги уништија одморалиштата, рекреативните и спортските центри.

Ги уништија домовите на културата.

Го уништија јавниот сообраќај.

Ги дадоа под концесија депониите.

Ама многу паметните граѓани кои се во право и кога грешат редовно се дерат ПОБЕДА, ПОБЕДА, ПОБЕДА после секои избори - нагласува Најчевска во својот пост.