Локален дожд и појава на грмежи во делови од земјава ги разбудија граѓаните.

Првиот септемврски ден не очекува нестабилно време со полокализирани претпладневни врнежи, а попладне нестабилноста ќе се зголемува.

Според прогнозите на метеопро врнежите на локално ниво е можно да бидат од пороен карактер.

Нестабилноста се очекува поизразена да биде во источниот и јужниот регион, а слична појава е можна и во западниот крај попладне.

Што се однесува до температурата таа ќе биде малку пониска  во однос на претходните денови, а максималната дневна вредност долж повардарието ќе биде во границите од 29°С до 32°С а низ останатите краишта помеѓу 25°С и 29°С.

Во главниот град, нестабилноста се очекува во  текот на попладнето и дел од вечерта.

Процесите кои што се очекуваат ќе бидат во границите „на веќе видена нестабилност“. Температурата нема да ја надмнине вредноста од 30°С.