Портпаролот на СДСМ, Петре Шилегов, денеска на прес конференција обвини дека семејството на претседателката на Уставниот суд, Елена Гошева, е тесно поврзано со владејачката ВМРО-ДПМНЕ.

„Ќерката на Елена Гошева, првата судика во Уставниот суд, Слободанка Гошева била потпретседателка на подмладокот на ВМРО-ДПМНЕ, УМС. Сопруг на Слободанка Гошева Гиевска е Игор Гиевски, поранешен претседател на УМС на ВМРО ДПМНЕ. Слободанка Гошева Гиевска, беше претседател на Пописна комисија во пописот што не се спроведе. Сопруг на Елена Гошева е Ѓорѓи Гошев, поранашен директор на Студентски центар, назначен од ВМРО-ДПМНЕ, “ - Шилегов.

Тој тврди дека ова семејство преку Слободанка Гошева учествувало и во слични изборни измами при гласањето за време на избор на студентски лидер во 2002 година, вршејќи притисок врз студентите при гласањето.