Клубот на пратеници е местото каде денеска ќе се одржи првата седница на меѓувладината комисија за економска соработка на Северна Македонија и Бугарија.

Бугарско-македонската комисија за економска соработка започна вчера со дводневен состанок во Скопје. Бугарската делегација ја предводи министерот за транспорт, Росен Жељазков.

Седницата на Бугарско-македонската комисија за економска соработка се одвива само два месеци по најголемиот бизнис форум меѓу двете земји, кој собра 100 бугарски и македонски фирми во Скопје. Со форумот претседава бугарскиот министер за транспорт Росен Жељазков и министерот за економија на Северна Македонија Крешник Бектеши.

На дневниот ред на седницата се теми поврзани со изградбата на транспортна и енергетска инфраструктура, прашања од билатералната економска соработка и области како информатичката технологија, транспорт, трговија, инвестиции, земјоделството и др.

Двајцата министри се очекува да потпишат протокол од Првото заседание на Меѓувладината комисија, како и Меморандум за разбирање помеѓу Извршната агенција за промоција на мали и средни претпријатија на Бугарија и Агенцијата за промоција на предпримништвото на Северна Македонија.

Со години од значителен интерес и за двете страни е изградбата на Коридорот 8, пругата Скопје-Софија, воведувањето на заеднички гранична контрола.

Северна Македонија е традиционален трговски партнер на Бугарија. 367 милиони евра достигна трговската стокова размена за првите 6 месеци од 2018 година, што е за 6% повеќе во споредба со првите 6 месеци од 2017 година. Целта е тој да скокне до 1 милијарда евра.

Бугарија веќе отвори трговско претставништво во Скопје во јануари.

Традиционално Бугарија извезува за Северна Македонија електрична енергија, олово-цинкови руди и непреработен тутун. Трговското салдо е позитивно за Бугарија - 6%.