Инженерот Џејм Лианг пред судот во Детроит ја призна вината дека и помогнал на компанијата Фолксваген да мами на тестовите за испуштање на јаглероден диоксид со специјална направа која покажувала помали емисии. Тој се соочува со затворска казна од 5 години и оштета од 250 илјади долари и прв од Фолскваген кој ќе одговара за мега скандалот. Благодарение на специјалниот уред возилата на Фолксваген покажувале емисии кои се во рамките на дозволеното според прописите и на тој начин добивале дозвола да бидат пуштени во продажба. Истрагата против Фолксваген се уште трае и компанијата се соочува со казни кои ќе достигнат неколку милијарди долари, како и обврска целосно да го променат производството на автомобили.