Ад хок телото за мониторинг на медиумите во предизборието поднесе предлог за изрекување прекршочна казна за Првиот програмски сервис на Македонската радиотелевизија (МРТ 1), поради емитување владини реклами.

Прекршувањето е направено со тоа што на програмата на МРТ 1, во периодот од 2 до 5 септември годинава, спротивно на член 75-д став 4 од Изборниот законик, се емитувани реклами финансирани од Буџетот на Република Македонија.

„Агенцијата за аудио и аудиовизуелни медиумски услуги, по поднесениот предлог од Привремената комисија за следење на медиумското претставување поднесе барање за поведување прекршочна постапка во која судот ќе изрече прекршочна санкција – опомена против Првиот телевизиски програмски сервис на Македонската радиотелевизија“- пишува во соопштението од Агенцијата за аудио и аудиовизуелни медиумски услуги.

Ова е прва одлука на ад хок телото за следење на  медиуми. Телото неодамна се комплетираше со четири члена од кои два се предлог на ВМРО-ДПМНЕ и два на СДСМ, а последниот член е Албанец.