Производителот на автомобили Форд соопшти дека повлекува речиси 43.000 мали теренци бидејќи е откриено дека бензинот може да истече на жешките површини на моторот, зголемувајќи го ризикот од пожари.

Се вели дека ќе бидат повлечени моделите Bronco Sport од 2022 и 2023 година, како и Escape од 2022 година, сите со 1,5-литарски мотори, пишува Асошиетед прес.

Во пријавата до американските безбедносни регулатори, Форд вели дека инјекторите за гориво може да пукнат, а бензинот или пареата од бензин може да се приближат до многу жешки површини, што може да предизвика пожар.

Дилерите ќе постават цевка која ќе му овозможи на бензинот да не оди до жешките површини на моторот, туку на земја под возилото и ќе го ажурира софтверот за контрола на моторот за да го открие падот на притисокот во системот за вбризгување гориво.

Ford is recalling nearly 43,000 small SUVs due to gasoline potentially leaking from the fuel injectors onto hot engine surfaces, increasing the risk of fires. https://t.co/p83OzlfZGG

— ABC News (@ABC) April 11, 2024

Ако тоа се случи, софтверот ќе ја оневозможи пумпата за гориво под висок притисок, ќе ја ограничи моќноста на моторот и ќе ја намали температурата на моторот.

Сопствениците на сите спорни автомобили ќе бидат писмено известени што да прават.

Компанијата соопшти дека има извештаи за пет пожари под хаубата и 14 гарантни замени на инјектори за гориво, но немало падови или повредени во двата случаи. Се додава дека проблемот е забележан кај еден процент од теренците.

Најавено е и дека ќе има продолжена гаранција за инјекторите за гориво, така што сопствениците кои имаат проблем ќе можат да ги заменат.

#Recall: After a much larger recall in 2022, Ford is recalling an additional 42,652 Bronco Sport and Escape SUVs from the 2022 and 2023 model years because a fuel injector may crack and leak gasoline inside the engine compartment, which could cause a fire. https://t.co/eJFim1g9xD

— Consumer Reports (@ConsumerReports) April 10, 2024