Полицијата ја заврши дигиталната форензика на видеото и фотографиите од наводната „илегална фабрика за пасоши“ што ги објави Фокус. Доказите сега повторно се во рацете на Обвинителството, објави неделникот. Вештачењето по налог на Обвинителството траеше три дена. Врз основа на тие резултати, Основното јавно обвинителство треба да одлучи како понатаму ќе постапува, потврдила за „Фокус“ обвинителката Гордана Гешковска. Од МВР не се соопштуваат повеќе детали за тоа што било утврдено од снимките. Фото и видео материјалот на Фокус му го доставил анонимен граѓанин, со тврдење дека снимката е направена во приватен стан во кој илегално се изработуваат македонски пасоши.