На петти мај пред Влада се одржуваа протести кои ескалираа при кои полицијата и демонстрантите се судрија.

При тој судир неколкумина полицајци и демонстранти беа повредени и уапсени беа неколку млади лица кои протестираа.

Пред околу десетина дена уапсените седнаа на обвинителна клупа, при што сите демонстранти беа осудени на условни казни, седум од вкупно деветте обвинети  добија условни казни од 3 месеци, еден од нив доби условна казна од 1 година и еден од обвинетите е осуден на 10 месеци затвор, бидејќи е веќе осудуван за слично дело.

Против сите нив се водеше постапка за „учество во толпа што ќе спречи службено лице во вршење службено дејствие"“.

„На главната расправа обвинетите С.П. и Б.Т., како што самите се произнесоа во судницата, доброволно, свесни за правните последици и неприсилени од никого го признаа делото што им се става на товар, па со оглед на тоа судот ги огласи за виновни и ценејќи ги одредбите од ЗКП како и правилникот за одмерување на казни кој е на сила, им одреди алтернативни мерки – Условна казна од 3 месеци затвор која казна нема да се изврши доколку во  тек на една година не сторат ново кривично дело. Воедно на обвинетиот С.П., судот му определ и мерка заштитен надзор со обврска во рок од една година да се подложи на лекување во соодветна специјализирана установа, додека пак надзорот се доверува и го врши надлежен социјален орган“, стои во соопштението на судот.