Повеќе од 2.000  осудени лица, од кои најголем дел се во затворот „Идризово“ денеска протестираат.

Тие се незадоволни од одбивањето на претседателот на државата, Ѓорѓе Иванов да ги помилува. Пред затворите протестираат и нивните блиски. Според адвокатот Ѕвонко Давидовиќ, тие ја признаваат вината, но бараат за 30% да им се намали казната.

„Затворениците не бараат преку леб погача, Законот за помилување дозволува намалување на казната до 30%, а на осудениците што се осудени на доживотен затвор казната може да им се намали до дваесет години“- кажа адвокатот.

Иванов побарал нивниот правен застапник, да поднесе полномоштво, со барање за намалување на казната на секој од нив поединечно.