Здружението „Протестирам“ на својот Фејсбук профил објави дека денеска нема да биде организиран протест во Скопје.

„Со протести продолжуваме во понеделник во 18 часот – побројни, покоординирани и со нови сили и енергија“- пишуваат од  „Протестирам“.

Демонстрантите во текот на вчерашниот протест стоеја со огледала пред полицајците, кои се нови реквизити на протестите,  а лавовите кај мостот „Гоце Делчев“, во близина на Владата, беа бојадисани во многу бои, симболично, во знак на „Шарената револуција“.

Досега се протестираше 11 дена во Скопје, но и во другите градови, со барање шефот на државата, Ѓорѓе Иванов да ја повлече одлуката за аболција на политичари.

И минатата недела немаше протести, а сите останати денови граѓаните се собираат во 18 часот пред СЈО, по што револтот го изразуваат пред Собранието, Владата, ЕУ Инфо центарот.