Се зголемиле платите во Македонија според статистичките податоци на Државниот завод за статистика(ДЗС). 

Просечната месечна исплатена нето-плата по вработен, во март 2025 година, изнесува 44.763  денари и во однос на истиот месец лани е повисока за 10,5 отсто. 

Ваквото зголемување се должи, пред сѐ, на зголемувањето на просечната месечна исплатена нето-плата по вработен во секторите: Образование за 15,8 отсто, Рударство и вадење на камен за 14,1 отсто и Административни и помошни услужни дејности за 12,5 отсто. 

Највисок просек на нето-плата била исплатен во секторот информации и комуникации од 83.615 денари, а најнизок во секторот  објекти за сместување и сервисни дејности со храна каде што просекот бил 32.245 денари.

Зголемување на просечната месечна исплатена нето-плата по вработен, во однос на претходниот месец, е забележано во секторите: Рударство и вадење на камен за 12,3 отсто, Уметност, забава и рекреација за 6,8 отсто и Преработувачка индустрија за 6,4 отсто. 

foto freepik.com