Индексот на просечната месечна исплатена нето-плата по вработен во април 2020 година, во однос на април 2019 година, изнесува 104.2.

Податоците денеска ги објави Државниот завод за статистика. 

Ваквото зголемување се должи, пред сѐ, на зголемувањето на просечната месечна исплатена нето-плата по вработен во секторите: Образование (12.0 %), Други услужни дејности (6.9 %) и Дејности на здравствена и социјална заштита (6.4 %).

Намалување на просечната месечна исплатена нето-плата по вработен, во однос на претходниот месец, е забележано во секторите: Објекти за сместување и сервисни дејности со храна (9.0 %), Стручни, научни и технички дејности (6.9 %) и Транспорт и складирање (6.6 %).

Просечната месечна исплатена нето-плата по вработен, во април 2020 година, изнесува 25.830 денари.

Просечната месечна исплатена бруто-плата по вработен, во април 2020 година, изнесува 38.567 денари.

Сепак, според Евростат македонските граѓани имаат најниска куповна моќ заедно со Албанците и Босанците.