Полициската единица за специјални задачи ги пронајде телата на двајцата работници кои утрово паднаа во водите на Вардар од Железничкиот мост кај Јурумлери. Двајцата работници се удавиле, а нивните тела биле пронајдени дури по неколку часа потрага по течението на реката. Според „Македонски железници - Инфраструктура“, каде работеле двајцата загинати, во моментот на несреќата работниците вршеле реконструкција на мостот на пругата Скопје-Драчево, каде се врши замена на праговите, а на себе ја носеле целата потребна заштитна опрема. Удавените Трајан Божиновски и Драган Стефановски биле на возраст од околу 60-тина годин. Полицијата изврши увид на местото на несреќата и работи на утврдување на конкретните причини.